बाबासाहेबांच्या वारशाचा सन्मान करण्यापेक्षा त्यांनी नेहरू परंपरेवर अधिक भर दिला.त्यामुळे या घराला राष्ट्रीय स्मारक म्हणून जपण्यासाठी काँग्रेसकडून लक्षणीय काम कधीही झाले नाही.
याउलट भाजप सरकारने (विशेषतः महाराष्ट्र सरकारने) बाबासाहेबांच्या लंडनमधील घराचे जतन करण्याची ठोस भूमिका घेतली.२०१५ मध्ये महाराष्ट्र सरकारने हे घर विकत घेऊन तेथे “डॉ. आंबेडकर मेमोरियल” स्थापन केले.भाजप सरकारने बाबासाहेबांना ‘आयकॉन ऑफ सोशल जस्टिस’ मानून त्यांच्या जागतिक स्मृती स्थळांचे जतन करण्याचा प्रयत्न केला.असे आ.सौ श्वेता महाले म्हणाल्या.
या उपक्रमाला केवळ स्मारक म्हणून नव्हे तर “आंतरराष्ट्रीय स्तरावर भारताच्या सामाजिक न्यायाच्या लढ्याचे प्रतीक” म्हणून सादर करण्याची मानसिकता भाजपकडून दिसली.आणि त्यामुळे 2015 मध्ये मुख्यमंत्री असलेले देवेंद्र फडणवीस यांनी 35 कोटी रुपये खर्च करून भारतासाठी लंडनमध्ये एक अभिमानाचे प्रतीक उभे करून ठेवले. 104 वर्षांपूर्वी डॉक्टर बाबासाहेब आंबेडकर यांनी येथे राहत असताना जे लंडन स्वतःच्या स्मृती सोबत भारतात नेले त्या स्मृतिचा दरवळ आजही येथे जाणवतो असे आमदार सौ.श्वेता महाले म्हणाल्या.