गुंजाळा येथील शेतकरी शांताराम मोरे यांच्या शेतात लिंबाच्या झाडाला दोरीने फाशी घेतलेल्या अवस्थेत संतोषचा मृतदेह आढळून आला होता.स्थानिकांनी ही घटना पाहिल्यानंतर पोलिसांना माहिती दिली व अंढेरा पोलिसांनी घटनास्थळी धाव घेऊन मृतदेह ताब्यात घेतले व सदर मृतदेहाचे उपजिल्हा रुग्णालय,चिखली येथे शवविच्छेदन करण्यात आले असून.
संतोषने आत्महत्या का केली याबाबत अद्याप कोणतीही ठोस माहिती समोर आलेली नाही. कुटुंबीय,नातेवाईक आणि स्थानिकांमध्ये याबाबत वेगवेगळ्या चर्चा सुरू असून, काहींनी कौटुंबिक तणाव, आर्थिक अडचणी किंवा वैयक्तिक कारणांचा अंदाज व्यक्त केला आहे. मात्र, पोलिसांनी आत्महत्या की अजुन काही या कारणाचा शोध घेण्यासाठी तपास सुरू केला आहे.आत्महत्येच्या कारणा बाबत कोणताही ठोस पुरावा पोलिसांना मिळालेला नाही.संतोषच्या अकाली निधनाने गुंजाळा गावात शोककळा पसरली असून तरुण वयातच त्याने जीवन संपवण्याचा टोकाचा निर्णय घेतल्याने गावकऱ्यांमध्ये हळहळ व्यक्त होत आहे.
अंढेरा पोलीस प्रकरणाचा सखोल तपास करत असून पुराव्यांच्या आधारे आत्महत्येचे नेमके कारण काय ? या दिशेने अंढेरा पोलिस प्रयत्नरत आहे.