यंदाचा जीवन गौरव पुरस्कार चिखली येथील ज्येष्ठ पत्रकार तथा साप्ताहिक ‘चिखली अंजली’चे मुख्य संपादक रमाकांत गयाप्रसाद कपूर यांना जाहीर करण्यात आला आहे.शोध पत्रकारिता पुरस्कार देऊळगाव मही (ता. देऊळगाव राजा) येथील अनुभवी पत्रकार सुनील सुदाम मतकर यांना, तर स्व. गिरीश दुबे नवपत्रकारिता पुरस्कार २०२५ चिखली येथील युवा पत्रकार सैय्यद साहिल सैय्यद राजू (उर्फ सद्दाम) यांना प्रदान करण्यात येणार आहे.हे सर्व पुरस्कार अखिल भारतीय मराठी पत्रकार परिषदेचे राज्य उपाध्यक्ष राजेंद्र काळे व बुलढाणा जिल्हा पत्रकार संघाचे अध्यक्ष रणजीत राजपूत यांच्यासह मान्यवरांच्या हस्ते प्रदान केले जाणार आहेत.
आरोग्य तपासणी शिबिराचे आयोजन
पत्रकारांच्या आरोग्याच्या दृष्टीने आयोजित भव्य आरोग्य तपासणी शिबिरात ईसीजी, किडनी व लिव्हर तपासणी, तीन प्रकारची शुगर तपासणी, कॅल्शियम, युरिक ॲसिड, सीबीसी, हिमोग्लोबीन, डब्ल्यूबीसी, आरबीसी, प्लेटलेट, कोलेस्टेरॉल, थायरॉईड (TSH), एचबी इलेक्ट्रोफोरेसिस तसेच नेत्र तपासणी आदी तपासण्या करण्यात येणार आहेत. हे शिबिर सकाळी १० वाजता सुरू होणार आहे. तरी चिखली शहर व तालुक्यातील शहरी व ग्रामीण भागातील सर्व माध्यमांच्या पत्रकारांनी या कार्यक्रमास उपस्थित राहून पुरस्कार सोहळा व आरोग्य तपासणी शिबिराचा लाभ घ्यावा, असे आवाहन चिखली तालुका पत्रकार संघाचे अध्यक्ष नितीन फुलझाडे यांनी केले आहे.