जनतेमध्ये जा! जनतेचे प्रश्न सोडवा! व जनतेतून उमेदवार म्हणून तुमचे नाव येऊ द्या!... — आ. सौ.श्वेता महाले पाटील
या बैठकीत चिखली विधानसभा मतदारसंघातील सर्व जिल्हा परिषद सर्कलमधील पंचायत समिती व जिल्हा परिषद उमेदवारी करिता इच्छुक कार्यकर्ते, कार्यरत पदाधिकारी,सर्व शक्ती केंद्रप्रमुख व बूथ प्रमुख उपस्थित होते.
“महायुतीचा धर्म पाळून आपल्या युतीतील जास्तीत जास्त उमेदवारांना पंचायत समिती व जिल्हा परिषद गणांत विजयी करण्यासाठी प्रयत्न करा.युतीचे अधिकार स्थानिक पदाधिकाऱ्यांना देण्यात आले असले तरी अंतिम उमेदवार जनता ठरवेल — कारण जनता हीच खरी निर्णयकर्ता आहे.”
यावेळी आ.श्वेता महाले यांनी इच्छुक जिल्हा परिषद व पंचायत समिती उमेदवारांना जनतेमध्ये जाऊन शेवटच्या स्तरावर काम करण्याचे आवाहन केले. उमेदवारीच्या अनुषंगाने आणि जनतेच्या उपयुक्ततेच्या दृष्टिकोनातून विविध सामाजिक उपक्रम,जनसंपर्क कार्यक्रम व शिबिरे आयोजित करण्याचे निर्देश त्यांनी दिले. या शिबिरांना त्या स्वतः उपस्थित राहून पाहणी करतील असे सांगत, “जे कार्यकर्ते प्रत्यक्ष जनतेशी जोडले जातील, त्यांचे सर्वेक्षण तालुका मंडळ प्रमुख करतील आणि त्यानंतरच उमेदवारी निश्चित केली जाईल,”असेही आ.श्वेता महाले यांनी स्पष्ट केले.
बैठकीला मोठ्या संख्येने कार्यकर्ते,पदाधिकारी आणि इच्छुक उमेदवार उपस्थित होते.