गरजू कुटुंबांना मिळणार हक्काचे घर – आ. श्वेता ताई महाले पाटील यांचे मार्गदर्शन
आ.श्वेताताईंनी यावेळी भावनिक शब्दांत जनतेशी संवाद साधत म्हटले की,
“प्रत्येक आई-वडिलांना आपल्या लेकरांसाठी डोक्यावर छप्पर असावे असे वाटते.हीच भावना लक्षात घेऊन आम्ही प्रयत्नशील आहोत.या योजनेतून आपल्याला योग्य कागदपत्रांची पूर्तता करून दिली जाईल,हक्काची नोंदणी करून दिली जाईल व भविष्यात कोणत्याही अडचणीशिवाय घराचा अधिकार लाभेल.गरीब, शेतकरी, कामगार,महिलावर्ग व शहरातील भटक्या-व्यवसायिक वर्गासाठी ही योजना वरदान ठरणार आहे.”
या अभियानामुळे चिखली शहरातील हजारो लाभार्थ्यांना मार्गदर्शन मिळाले असून, प्रत्यक्ष नोंदणी प्रक्रियेत मोठ्या प्रमाणावर सहभाग मिळत आहे.शहरातील नागरिकांचा विश्वास आणि समाधान हेच या अभियानाचे यश असल्याचे मत आ.श्वेता ताईंनी व्यक्त केले.
या प्रसंगी मुख्याधिकारी प्रशांतजी बीडकर,पंडितदादा देशमुख, सुहासजी शेटे,रामदासभाऊ देव्हढे, उपजिल्हा प्रमुख शिवाजीबापू देशमुख,भाजपा शहराध्यक्ष सागर पुरोहित,किसान आघाडी शहराध्यक्ष प्रशांत देशमुख,शिवसेना शहर प्रमुख विलासजी घोलप, शेख अनिसभाई, युवा मोर्चा जिल्हा उपाध्यक्ष शैलेश देशमुख,युवा मोर्चा शहराध्यक्ष विजय वाळेकर यांच्यासह विविध मान्यवर उपस्थित होते.
कार्यक्रमात विविध विभागातील तज्ज्ञ अधिकाऱ्यांनी प्रधानमंत्री आवास योजना (शहरी) 2.0 व ‘अंगीकार अभियान’ संदर्भात माहिती देत लाभार्थ्यांना जागरूक केले.