भाजप युवा मोर्चा आयोजित चिखलीतील दहीहंडी उत्साहात पार...
(महेश गोंधणे):-दरवर्षीप्रमाणे यावर्षी सुद्धा महायुतीच्या महा दहीहंडीचे आयोजन आज गोकुळाष्टमीच्या पावन मुहूर्तावरती चिखली येथे करण्यात आले होते. दहीहंडीच्या या पावन आनंदमय कार्यक्रमाची सुरुवात छत्रपती शिवाजी महाराज यांचे पूजन करून करण्यात आली.त्यानंतर दहीहंडीचे रीतसर पूजन करून दहीहंडीच्या या कार्यक्रमाचे उद्घाटन केंद्रीय क्रीडा राज्यमंत्री रक्षा खडसे यांनी केले.या कार्यक्रमाला प्रमुख पाहुणे म्हणून केंद्रीय आयुष् मंत्री ना.प्रतापराव जाधव होते...
गोकुळाष्टमीच्या मनापासून शुभेच्छा देत आ.सौ.श्वेता महाले यांनी प्रास्ताविक सादर केले."दहीहंडी हा सण हा तरुणांसाठी उत्सवाचा सण आहे,तरुणांमधले जे काही वाद व गैरसमज असतील ते सगळे वाद,गैरसमज या ठिकाणी दूर होऊन सगळ्यांनी भगवान श्रीकृष्णाचा जो जन्म आहे तो जन्मोत्सवामध्ये साजरा करायचा असतो आणि त्या अनुषंगाने आपण दरवर्षी आपले आपसातले सगळे वाद तंटे विसरून प्रत्येक जन्माष्टमीला चिखली शहरामध्ये छत्रपती शिवाजी महाराज चौकामध्ये एकत्र येऊन विकासाची दहीहंडी फोडतो,तमाम शिवप्रेमींची इच्छा होती की आपल्या चिखली शहरांमध्ये छत्रपतींचा1985 पासूनचा जो उभा पुतळा आहे तो अश्वारूढ असला पाहिजे गेल्या विधानसभेच्या निवडणुकीच्या आधी चिखली शहरातील सर्व शिवभक्तांनी, शिवप्रेमींनी आपल्याकडे मागणी केली होती,त्यानुसार दुसऱ्यांदा आमदार म्हणून नियुक्त झाल्यानंतर त्वरित आपण शिवाजी महाराजांच्या अश्वारूढ पुतळ्याचे काम सुरू केले आहे.विरोधकांनी काही चुकीच्या गोष्टी पसरवून त्याचे राजकारण करण्याचा प्रयत्न केला.
चिखलीतील दहीहंडीच्या या उत्सवाला प्रमुख आकर्षण म्हणून सिने अभिनेत्री स्नेहा उलाल,मराठी सृष्टीतील आघाडीची तारका तेजश्री प्रधान,आणि प्रसिद्ध अँकर यशा पाळणकर लाभल्या होत्या.
डीजेच्या वर थिरकत आणि संगीताच्या तालावर धुंद होऊन हजारो तरुण-तरुणी नाचत होते चैतन्यमय वातावरणात ही दहीहंडी पार पडली.याप्रसंगी पोलिसांचा चोख बंदोबस्त होता त्यामुळे कुठल्याही प्रकारचा काहीही अनुचित प्रकार घडला नाही.चिखलीची महादहीहंडी उत्साहात पार पडली.