चिखली शहराचा दर्जा उंचावण्यासाठी व नागरिकांना दर्जेदार सुविधा उपलब्ध करून देण्यासाठी त्यांनी शासनस्तरावर सातत्याने प्रयत्नशील राहून या विकासकामांना गती दिली आहे. शहरातील रस्ते काँक्रीटीकरण, नाली बांधकाम, डांबरीकरण, सौंदर्यीकरण, पथदीप व्यवस्था आणि पायाभूत सुविधा उभारणीद्वारे चिखलीला आधुनिक आणि सुसज्ज शहर बनविण्याचा संकल्प या कामांतून स्पष्ट दिसून येतो.
या वेळी आ.सौ.श्वेता महाले म्हणाल्या की, चिखलीला विकसित शहराचे रूपडे देण्याचा आपला प्रयत्न असून त्यामध्ये महाराष्ट्र शासन व आपण स्वतः सतत प्रयत्नशील राहणार आहोत. चिखली हे वेगाने बदलणारे नगर झाले असून रस्ते, स्वच्छता, व्यापार आणि सुसंस्कृतपणा या सर्व बाबींमध्ये चिखली शहर नावारूपाला यावे यासाठी सर्वांनी एकत्रित प्रयत्न करायचे आहेत.
विकासाच्या दिशेने चिखली शहर वेगाने वाटचाल करत असून,आमदार श्वेता महाले यांच्या नेतृत्वात चिखली शहराचा चेहरा नव्याने उजळत आहे,आगामी नगरपरिषदेच्या निवडणुकीच्या अनुषंगाने हे सर्व नागरिकांनी ध्यानात घ्यावे असे उदगार चिखली भाजपा नेते पंडितदादा देशमुख यांनी काढले.
