आज आ.श्वेता महाले पाटील यांच्या हस्ते लोकार्पण
"अग्निशमन दल हे केवळ आगीवर नियंत्रण ठेवणारे पथक नसून प्रत्येक प्रकारच्या आपत्तीमध्ये नागरिकांच्या सुरक्षेसाठी प्रथम धाव घेणारे सैनिक आहेत. रस्ते अपघात, पूरस्थिती,आगीच्या घटना अथवा इतर कुठलीही आपत्कालीन वेळ असो – अग्निशमन दलाचे जवान अहोरात्र जनतेच्या सेवेसाठी तत्पर असतात. त्यांच्या या अथक सेवेला योग्य सुविधा, साधने व सुसज्ज वाहने मिळणे हीच खरी कृतज्ञता आहे.आज या नव्या वाहनामुळे चिखली तालुक्यातील नागरिकांच्या सुरक्षेची ताकद अधिक बळकट झाली आहे."
त्यांनी पुढे सांगितले की, "नागरिकांच्या जीवित व मालमत्तेच्या सुरक्षेसाठी प्रशासन व शासनाकडून आवश्यक ते सर्व प्रयत्न सुरू आहेत. चिखलीसारख्या वाढत्या शहरासाठी ही नवीन सुविधा काळाची गरज होती आणि त्यासाठी मी सातत्याने प्रयत्न केले. हे वाहन चिखलीच्या सुरक्षेच्या दृष्टीने ऐतिहासिक पाऊल ठरेल."
या प्रसंगी मुख्याधिकारी प्रशांत बिडगर,ठाणेदार संग्राम पाटील,सुरेशअप्पा खबूतरे,डॉ. प्रतापसिंग राजपूत,माजी नगराध्यक्ष सौ.विमलताई देव्हडे,भाजप शहराध्यक्ष सागर पुरोहित,शिवसेना उपजिल्हा प्रमुख शिवाजीराव देशमुख यांच्यासह विविध पक्ष व संघटनांचे पदाधिकारी, नगरसेवक,अधिकारी व मोठ्या संख्येने नागरिक उपस्थित होते.