या निर्णयामागे चिखली विधानसभा मतदारसंघाच्या आ.सौ.श्वेता महाले यांचे विशेष परिश्रम असून,त्यांनी जिल्हा शल्यचिकित्सकांना लेखी पत्र देऊन ही मागणी केली होती.
नागरिकांना होणाऱ्या गैरसोयीची जाणीव ठेवून तात्काळ सेवा सुरू करण्यात यावी,अशी ठाम भूमिका त्यांनी मांडली होती.राज्याचे मुख्यमंत्री देवेंद्र फडणवीस,उप मुख्यमंत्री एकनाथ शिंदे व उपमुख्यमंत्री अजित पवार यांच्या मार्गदर्शनाखाली अखेर या निर्णयाला मंजुरी मिळाली आहे.
स्थानिक अपंग बांधवांकडून या निर्णयाचे स्वागत करण्यात आले असून,“आ.सौ.श्वेता महाले यांनी दाखवलेल्या सकारात्मक पुढाकारामुळेच आज ही सुविधा चिखलीत उपलब्ध झाली,” अशा भावना व्यक्त होत आहेत.
याच पार्श्वभूमीवर आ.सौ.श्वेता महाले यांचे वडील अंकुशराव पडघान यांनी चिखली ग्रामीण रुग्णालयाला भेट देऊन सुरू झालेल्या नव्या उपक्रमांची पाहणी केली. यामध्ये आरोग्य शिबिर, डायलिसिस युनिट, नव्याने मंजूर करण्यात आलेले अपंग बोर्ड तसेच महिलांसाठी सुरु झालेल्या सोनोग्राफी सेंटरचा समावेश आहे.
या वेळी वैद्यकीय अधीक्षक डॉ.सैय्यद उमर, वैद्यकीय अधिकारी डॉ.रामानंद इंगळे, डॉ.उमेश सावजी, डॉ. अंकिता सावजी, नोडल ऑफिसर डॉ.किशोर गवई, स्त्रीरोग तज्ज्ञ डॉ.विठ्ठल काळुसे, तसेच डॉ.दीपक भगत, डॉ.धनंजय परिहार, डॉ.राहुल राजपूत, डॉ. एन.जे. गायकवाड, डॉ. दीपाली भारसवडकर, डॉ. आरिफ बेग, डॉ.प्रदीप मेहेत्रे, डॉ.रश्मी खर्चे, डॉ.प्रीती रिंढे, डॉ.नेहा अवचार यांच्यासह सर्व अंगणवाडी सेविका, आशा सेविका, मुख्य अधिपरिचारिका प्रीती चव्हाण व आरोग्य कर्मचारी उपस्थित होते.
चिखली उपजिल्हा रुग्णालयात उपलब्ध झालेली ही नवी सुविधा अपंग बांधवांच्या आयुष्यात दिलासा व आशेचा किरण ठरणार आहे.