चिखली तालुक्यात 'अॅग्रिस्टॅक' योजनेचा तहसीलदार संतोष काकडेंच्याहस्ते वळती गावातून श्रीगणेशा!
शासकीय योजनांच्या लाभासाठी शेतकऱ्यांना आता 'फार्मर आयडी' मिळणार !
अॅग्रिस्टॅक योजना आता सेल्फ, कॅम्प आणि सीएससी मोडवर !
- चिखली तालुक्यात सुरुवात, शेतकरीवर्गाने लाभ घेण्याचे तहसीलदार संतोष काकडे यांचे आवाहन
- चिखली - शेतकऱ्यांपर्यंत शासकीय योजनांचा लाभ पात्र जलदगतीने पोहोचविण्यासाठी जिल्ह्यात अॅग्रिस्टॅक योजनेअंतर्गत शेतकरी माहिती संच निमिर्ती आणि शेतकऱ्यांचे शेतकरी ओळख क्रमांक अर्थात फार्मर आयडी तयार करण्यात येणार आहे. यासाठी शेतकऱ्यांना स्वतः किंवा शिबिरात आणि सीएससी केंद्रावर नोंदणी करता येणार असून, या अॅग्रिस्टॅक योजनेचा जास्तीत जास्त शेतकऱ्यांनी लाभ घ्यावा. चिखली तालुक्यात या योजनेस सुरूवात झाल्याची माहिती तहसीलदार संतोष काकडे यांनी बोलताना दिली आहे. आज (दि.21) तालुक्यातील वळती या गावी सदर योजनेचा तहसीलदार संतोष काकडे यांच्या उपस्थितीत शुभारंभ करण्यात आला.
- केंद्र सरकारने शेतक-यांना आधार कार्डप्रमाणे स्वंतत्र डिजिटल ओळखपत्र देण्याचा निर्णय घेतला आहे.
त्यासाठी अॅग्रिस्टॅक योजना जाहीर केलेली आहे. आज (दि.21) पासुन चिखली तालुक्यातील वळती या गावी सदर योजनेचा तहसीलदार संतोष काकडे यांच्या उपस्थितीत शुभारंभ करण्यात आला. शेतक-यांना सर्व समावेशक डिजिटल सेवा पुरविणसाठी कृषी मंत्रालयाने ही योजना तयार केली आहे. १४ ऑक्टोबर २०२४ रोजी या संदर्भातला आदेश जारी करण्यात आलेला आहे.
महसुल विभागाकडे उपलब्ध असलेल्या शेतक- यांच्या नावाच्या व त्यांच्या जमीनीच्या डेटा आधारे फार्मर आयंडी म्हणजेच शेतकरी ओळख क्रमांक तयार करण्यात येईल. हा क्रमांक शेतक-यांच्या आधार क्रमांकाशी जोडला जाणार आहे. सदर योजनेमुळे पी.एम. किसान योजनेंतर्गत मिळणार अनुदान मिळणे सुलभ होईल. पीककर्ज मिळविण्यासाठी किसान क्रेडीट कार्ड आणि कृषी इन्फ्रास्ट्रक्चर फंड व शेतीच्या विकासासाठी इतर कर्ज उपलब्ध करुन घेणे, पीकविमा तसेच आपत्ती व्यवस्थापन अंतर्गत शेतक-यांचे देय नुकसान भरपाईसह शेतक-यांचे सर्व्हेक्षण करणे किमान आधारभुत किंमतीवर खरेदीमध्ये शेतक-यांचे नोंदणीकरण ऑनलाईन पध्दतीने होवु शकेल.शेतक- यांसाठी कृषी कर्ज वित्त निविष्ठा आणि इतर सेवा देणा- या यंत्रणांना कृषी सेवा सहजपणे उपलब्धं करुन देण्यासाठी सुलभता येईल. शेतक-यांना विविध सरकारी योजनांचा लाभ घेण्यासाठी कृषी व संलग्न विभागांना शेतक-यांचा व त्यांच्या शेतांचा आधार संलग्न माहिती संचच्या उपलब्ध आकडेवारीच्या आधारे योजनांचा लाभ वितरीत करणे सोयीचे होईल. लाभार्थ्यांची वारंवार प्रमाणिकरणाची आवश्यकता राहणार नाही. तरी, सर्व शेतकरी बांधवांनी सातबारा उतारा, ८ अ व आधार कार्डसह आपल्या गावातील ग्राम महसुल अधिकारी, कृषीसेवक, कॉमन सर्विस सेंटरशी संपर्क साधून आपला शेतकरी ओळख क्रमांक अर्थात फार्मर आय.डी तयार करुन घ्यावेत, असे आवाहन तहसीलदार संतोष काकडे यांनी केले आहे.
या अॅग्रिस्टॅक योजनेंतर्गत शेतकऱ्यांना विविध सरकारी योजनांचा लाभ घेण्यासाठी कृषि व संलग्न विभागांमार्फत शेतकऱ्यांचा व त्यांच्या शेताचे आधार संलग्न माहिती संच (फार्मर रजिस्ट्री) तयार करण्यात येणार असून, उपलब्ध आकडेवारीच्या आधारे शेतकरी बांधवांना विविध योजनांचा लाभ वितरीत करण्यामध्ये सुलभता येईल आणि लाभार्थ्यांना वारंवार प्रमाणिकरण अर्थात ई-केवायसीची आवश्यकता राहणार नाही. शेतकरी बांधवांनी गावनिहाय आयोजित करण्यात येणाऱ्या शिबीरात जास्तीत जास्त संख्येने सातबारा उतारा, ८अ व आधारकार्डसह उपस्थित राहून आपले ग्राम महसूल अधिकारी, तहसील कार्यालय व कॉमन सर्व्हिस सेंटरशी संपर्क साधून अॅग्रिस्टॅक योजनेचा लाभ घ्यावा, असे आवाहनदेखील तहसीलदार संतोष काकडे यांनी केले आहे. अॅग्रिस्टॅक योजनेंतर्गत फार्मर आयडीसाठी
https://mhfr.agristack.gov.in/farmer- registry-mh/#/ या लिंकवर नोंदणी करावी किंवा क्यूआर कोडचा वापर करावा, असेही ते म्हणालेत